ރާއްޖޭން މިވަގުތަށް އެންމެ ބޭނުންވާ ކަންކަމަށް އެއްބާރުލުން ދޭނަން: ޗައިނާ ސަފީރު

ރައީސް އޮފީހުން ބުނީ، ރާއްޖޭން މި ވަގުތަށް އެންމެ ބޭނުންވާނެ ކަންކަން ރައީސްގެ ފަރާތްޕުޅުން ވަންގް ލިޒިން އޮޅުން ފިލުއްވާފައި ވާކަމަށެވެ. އަދި، އެކަންކަން ކޮށްދިނުމަށް ޗައިނާ ސަރުކާރުގެ ފަރާތުން ވެވެން އޮތް އެހީތެރިކަމާއި އެއްބާރުލުން ވެސް ދެއްވާނެ ކަމަށް ސަފީރު ވިދާޅުވި ކަމަށް އެ އޮފީހުން ބުންޏެވެ.

އެ ބައްދަލު ކުރެއްވުމުގައި ދެ ގައުމު ގުޅިގެން ފަތުރުވެރިކަން ކުރިއެރުވުމަށް މަޝްވަރާތަކެއް ކުރައްވާފައި ވާއިރު، ޗައިނާ ސަފީރުވަނީ ދެ ޤައުމުގެ ގުޅުން އިތުރަށް ހަރުދަނާކޮށް، ވަރުގަދަކުރުމަށް އެއްބާރުލުންދެއްވާނެކަމުގެ ޔަޤީންކަން ދެއްވާފައެވެ.

މީގެއިތުރުން، ރައީސްގެ އަރިހުގައި ފޮރިން މިނިސްޓަރު މޫސާ ޒަމީރު މި ބައްދަލު ކުރެއްވުމުގައި ބައިވެރިވެފައިވާއިރު، ރާއްޖޭގައި ހުންނަ ޗައިނާ އެމްބަސީގެ އިސްވެރިން ވެސް މި ބައްދަލު ކުރެއްވުމުގައި ބައިވެރިވެވަޑައިގަތެވެ.