ދިވެހިސަރުކާރުން އިޒްރޭލު ޕާސްޕޯޓް ބޭން ނުކޮށްގެން އެކަމަށް އެންމެ ބޮޑަށް ފާޑުކިޔާ އަދި ވަރަށް ބޮޑަށް އިޒްރޭލާއި ދެކޮޅުކަމަށް ދެއްކެން މަސައްކަތްކުރާ “އަދަދު” ނޫހުން އިޒްރޭލަށް އެންމެ ބޮޑަށް ވާގިވެރިވާ “ކޮކާކޯލާ” އިސްތިހާރު ކޮށްގެން ބޮޑު ނަފާ ހޯދަމުން އެބަދެއެވެ.
އިޒްރޭލުން ފަލަށްތީނުގައި ގަތުލްއާމް ހިންގަން ފެށިތާ މިހާރު އަހަރަކށްވުރެ ގިނަ ދުވަސްވެފައިވާއިރު، އިޒްރޭލަށް ވާގިވެރިވާ ތަފާތު ވިޔަފާރިތައް ބޮއިކޮޓް ކުރުމުގެ ކެމްޕެއިންތައް މުޅި ދުނިޔޭގައި އަންނަނީ ހިންގަމުންނެވެ.
މިގޮތުން ރާއްޖޭގައި ވެސް އެ ކެމްޕެއިން ހިންގާފައިވާއިރު، އިޒްރޭލަށް ވާގިވެރިވާތީ އެންމެ ބޮޑަށް ބޮއިކޮޓް ކުރަން ގޮވާލި އެއް އައިޓަމްތެރޭ ކޮކާކޯލާ ހިމެނެއެވެ. ނަމަވެސް ފާއިތުވި އަހަރެއްހާ ދުވަސްތެރޭ ވެސް އަދަދު ނޫހުގައި ކޮކާކޯލާއާއި ގުޅުންހުރި ތަފާތު ހަބަރުތަކާއި އާޓިކަލްތައް ވަނީ ޖަހާފައެވެ. އޭގެތެރޭގައި އިސްތިހާރުގެ އާޓިކަލްތަކާއި ހަބަރުތައް ހިމެނެއެވެ.
ދިވެހި ދައުލަތުން އިޒްރޭލު ޕާސްޕޯޓް މަނާނުކޮށްގެން އެންމެ ބޮޑަށް ފާޑުކިޔާ، އަދި އިޒްރޭލު ޕާސްޕޯޓް އެންމެ ބޮޑަށް މަނާކުރަން ބޭނުންވަނީ ތިމަންނާމެން ކަމަށް ދެއްކެން އަދަދު ނޫހުން މަސައްކަތް ކުރިނަމަވެސް އަމަލުތައް ހުރީ ދިމާ އިދިކޮށޅަށެވެ. އިހުލާސްތެރިކަމެއް ނެތް މުނާފިގުކަން ނޫން ދެން ކޮންކަމެއްތޯއެވެ.