ނަމާދަށް ޚުޝޫޢަތްތެރިނުވެވުމަކީ އެންމެ ގިނަ ބައެއްގެ އޮންނަ އެންމެ ބޮޑު ކަންބޮޑުވުން ކަމުގައިވާތީ ޚުޝޫޢަތްތެރިވެހުރެ ނަމާދުކުރަން އެދޭމީހާ ކުރަންވީ 2 ކަމެއެ ފާހަގަކޯށްލާނަމެވެ.
ފުރަތަމަކަމަކީ ނަމާދުކުރާތަނުގައި ހުއްޓުމަށްފަހު އިތުރު އެއްވެސް ކަމެއް ނުކޮށް 10 ސިކުންތުހައިއިރު މަޑުކޮށްލުމެވެ. އެވަޤުތުކޮޅުގައި ކުރަން އޮތްކަމަކީ ތިމާ ހުއްޓި މިހުރީ ﷲ ތަޢާލާގެ ޙަޟްރަތުގައި ކަމާއި މިއުޅެނީ ﷲ ތަޢާލާ ޤަބޫލުފުޅު ކުރައްވަވާ ފެންވަރުގައި ނަމާދެއްކުރަންކަން ހިތަށް އެރުވުމެވެ. 10 ސިކުންތުވުމުން ޙަރަމް ބަނދެ ނަމާދަށް ފަށާށެވެ.
ނަމާދަށް ފެށުމަށްފަހުގައިވެސް އެއް ރުކުނުން އަނެއް ރުކުނަށް ބަދަލުވާހިނދު 5 ސިކުންތު މަޑުކޮށްލައި ކުރިން ބުނިމަގުން ކަންކަން ހިތަށް އަރުވާށެވެ! އިތުރު އެއްވެސް ކަމެއް ހިތަށް ނުއަރުވާށެވެ.
ދެވަނަ ކަމަކަށް ޞުޙާނަމާދުކުރަންފަށާށެވެ. ޟުޙާ ނަމާދުގެ 2 ރަކްޢަތް ނަމަވެސް ކުރާށެވެ.
މިދެ ކަންތައް ކުރަން ފަށައިފިނަމަ ދާދި އަވަހަށް ތަފާތުފެންނާނެއެވެ. ނަމާދުގައި ޚުޝޫޢަތްތެރިވެވެން ފަށާނެއެވެ. އިން ޝާ ﷲ
– މަޢްލޫމާތު: ބިލާލް އައްސަދުގެ ދަރުސަކުން