އެމްޑީޕީ ވެރިކަމުގައި ޕާޓީ އެކްޓިވިސްޓުންނަށް ގެވަޅުތަކާއި ފްލެޓްތައް ބަހާލި މުއާމަލާތްތައް ހިންގި ޗެޓްލޮގެއް ލީކުވެއްޖެއެވެ.
- ޗެޓްލޮގުގައި ފެންނަނީ އެމްޑީޕީގެ މަޖިލިސް މެމްބަރުންގެ ބާރުވެރިކަން ހޯދައިގެން ޝަރުތު ހަމަނުވާ، އެމްޑީޕީގެ އެކްޓިވިސްޓުން ފްލެޓް ލިސްޓުގައި ހިމެނުމަށް ކުރާ މުއާމަލާތްތަކެކެވެ. އެ ޗެޓްލޮގުގައި އެމްޑީޕީގެ އެމްޕީ ރޮޒެއިނާގެ މުއާމަލާތްތަކެއް ވެސް ފެންނަން ހުރެއެވެ.
ބާރާއި ނުފޫޒު ބޭނުން ކޮށްގެން އެމްޑީޕީ އެކްޓިވިސްޓުން ހިމަނައިގެން ތައްޔާރު ކޮށްފައިވާ ފްލެޓް ލިސްޓް ރިވިއުކުރަން މި ސަރުކާރުން ނިންމުމާއި ގުޅިގެން އެމްޑީޕީން ހިތްހަމަ ނުޖެހުން ފާޅުކުރި މައިގަނޑު ސަބަބަކީ ވެސް ނާޖައިޒް ފައިދާ ހޯދަން ރާވާފައި އޮތް ނަހަމަ ޕްލޭން ފެއިލްވާނެތީއެވެ.
މިއަދު ނުކުމެ އެމްޑީޕީން ފްލެޓް ލިސްޓޭ ނާޖައިޒް ފައިދާއޭ ބުނެ މަދުބަޔަކު ނެރެ މުޒާހަރާ ކުރުމުން ދޭހަވަނީ ހަމައާއި އިންސާފް އޮޅުވާލަން އެމްޑީޕީން އަބަދުވެސް ނުކުމެ ތިބޭ ތިބުމެވެ.