ވަގުންގެ ދިފާއުގަ މާލެތެރެ ހަލަބޮލި ކުރަން 11 ޑިސެމްބަރުގަ އެމްޑީޕީން ނުކުންނަން ނިންމައިފިއެވެ.
އެމްޑީޕީން މަގުތައް ހަލަބޮލި ކުރަން ނުކުތުމަށް ނިންމާފައިމިވަނީ މިދިޔަ 5 އަހަރު ވަންދެން ހިންގި ޖަރީމާތައް ބަލާ ފިޔަވަޅު އެޅުމަށް ސަރުކާރުން ތައްޔާރުވުމާ ގުޅިގެން ހައްޔަރުކޮށްފާނެތީ ސިޔާސީ ހައްޔަރެއް ކަމަށް ބުނުމަށެވެ.
އެމްޑީޕީން ދަނީ މިސަރުކާރާބެހޭ ގޮތުން ނުރަނގަޅު ތަސައްވުރެއް އުފެއްދުމަށް ގިނަ ދޮގުތަކެއް ހަދަމުންނެވެ. އަދި ވެރިކަމުގެ 3 އަހަރު ނުވަނީސް ނަޝީދު އެކަހެރިކުރުމަށްފަހު ވެރިކަން ކޮށް ފެއިލް ވުމުން އަނެއްކާ ނަޝީދު އާއި އެއްވެގެން އެމްޑީޕީން ދަނީ ގައުމު ހަލަބޮލި ކުރުމުގެ މަސައްކަތް ކުރަމުންނެވެ.
އެމްޑީޕީން ގާނޫނު އަސާސީގެ ދިފާއުގައި ކަމަށްބުނެ މަގުތަކަށް ނުކުންނަން އުޅެނީ 5 އަހަރު ވަންދެން ގާނޫނާ ޚިލާފު އެތައް ކަމެއް ކުރުމަށްފަހުގައެވެ. 11 ޑިސެމްބަރުގަ އެމްޑީޕީން ނުކުންނައިރު ތަންތަން ތަޅާ ހުޅުޖެހުމަށް ރާވަފައިވާކަމަށް މައުލޫމާތު ލިބޭތީ ސަލާމަތީ ބާރުތަކުން ވަނީ މިކަމަށް ތައްޔާރުވެފައެވެ.